2009年7月1日..係黃埔花園就做左年半...我升職啦..哈哈..

由assistant estate officer..升做estate officer...

16-5-2009

去左海洋公園...d動物好可愛...

睇曼聯捧盃...

17-5-2009

去左大澳...照左數十張相...

睇相同片..請看facebook...

今日我係一個唔應該過馬路的地方..等過馬路..個到係屋企樓下m記果個燈口..因為我行既方向..我唔係燈位到等...那是一條雙線行車的路..其中一條路是轉彎的...我在轉彎位前少少的地方等...

當時是行車...有架小巴過左燈..轉完彎前少少就停車上落客..所以停正我前面..後面是一架大巴士..因為巴士要埋站..所以它被迫停在小巴後..

巴士後是一架輕型貨van...van仔轉彎時就見巴士停左車..所以佢好本能地抽頭行第二條線..( 完全係行車直飛..) ..我企係路邊..望到對邊馬路邊既小學生一抽二袋連書包..係小巴同巴士之間既空隙間走出黎..想過黎我呢邊.~.~ 因為巴士完全阻擋了第二條線..所以..小學生完全見唔到架van直飛緊..而van司機當然更加唔會見到空隙到有個小學生..

當時我個心跳得好快..好大聲叫過對面..叫''小心呀''...小學生才如夢初醒剎掣..而van仔就係面前飛過轉彎..我覺得我應該叫得好大聲..但我聽住歌..所以唔知其實自己叫左幾大聲..~.~ 叫完..成件事完哂..個心仲係跳得好快..>.< ...

第一次覺得自己救左人..哈哈..所以..要記下它..

之前買左好多vcd...睇左穿prada的惡魔...情流戀屋...今日睇左玩轉身前事...又名一路玩到掛...睇個名..明知兩個主角會死...但睇到尾...都係忍唔住喊...都話呢類形既片...我會睇...但我一定要係屋企睇...因為我一定會喊...係戲院睇的話...喊哂口出戲院唔係甘好...

奧斯卡影帝級殿堂巨星積尼高遜和摩根費曼，聯手演出爆笑喜劇《玩轉身前事》。電影由洛雷納執導，是一部感人肺腑，毫無保留的歷險電影，說明想要活盡人生精彩，有心從來不怕遲。

很久以前，卡特卓柏斯（摩根費曼　飾演）在大學一年級時的哲學系教授，叫他的學生們寫出一張「身前事清單」，列出他們在離開人世前想要做、想要看和想要感受的事情。

但當卡特在盤算他心底的夢想時，現實生活卻粗暴地打破了他的願望。結婚、養育孩子、各種各樣的責任，還有一份做了46年的汽車維修工作，令他那張「身前事清單」變成一連串悲喜交集的回憶和錯過了的機會，只成為一些他在車底工作時打發沉悶時間的白日夢。與此同時，大企業富翁艾活高爾（積尼高遜　飾演）總是喜歡坐言起行。他常常只顧賺錢，建立他的企業王國，沒有空好好思考心底自己到底想要甚麼。在命運的安排下，這兩位看似互不相干的人物忽然對生命有了啟發。

卡特和艾活入住了同一個醫院病房，他們有時間好好想想自己下一步該怎麼走，想想自己現在到底得到了甚麼。雖然他們從表面看來毫不相似，但他們很快發現二人有兩個重要的共通點：他們需要接受自己是個怎樣的人和自己所做的抉擇，還熱切希望用人生餘下的時間做他們一直想要做的事。那張「身前事清單」不再是想想便算的事，這已成為他們往後的人生大計。

於是，兩人不理醫生的忠告，自己辦理出院手續，結伴揭開他們生命上最新鮮刺激的一頁：從泰姬陵到非洲最大的野生動物園，從最高級的餐廳到最龍蛇混雜的紋身店，從最新潮的跑車到跳傘專用小型飛機……他們就按著清單上列出的事項逐一實現一直藏在心底的夢想。兩人在旅程上歷盡喜怒哀樂，共同克服無數困難，並在笑聲中成為真正的知己好友。

星期六返半日工..返到屋企..執下張電腦書台..

發現今年既利是封仲未收埋...所以就執一執...

儲靚既利是封呢個習慣原來已經大約8年...(睇返d利是封..最遠係''馬''年...計埋今年即係有8年)...心血來潮...數一數...大約有312個利是封...唔知甘算多定算少...計落平均一年都留低40個...但細個留既比較少..近呢幾年就留得多左...可能收多左...比例上美麗既利是封就多左...又或者細個冇特別留意...所以相對地少留...

大大小小、金色、紅色、粉紅色、卡通、傳統、生肖、銀行、餐廳、酒家、金鋪、各大形連鎖店、香港人派既、大陸人派既既...形形式式...數得出既我都有...大部份美麗特別既我都有留低...傳統既...我都有留..但傳統既...年年都會重複...所以唔太多...

發現...愈出愈靚...

想影低佢地放上網...但太多..影唔哂...所以放棄左...